ԱՄԵՐԻԱ ՍԵՐՈՒՆԴ 11

Ամերիա Սերունդ ծրագրի նպատակն է նպաստել երիտասարդ մասնագետների առաջխաղացմանը և պատրաստել երիտասարդ առաջնորդների հաջորդ սերունդը: Ծրագրի հիմքում ընկած է գործնական ուսուցումը (coaching), որի ընթացքում փորձառու մասնագետները երիտասարդներին փոխանցում են պրակտիկ գիտելիքներ և ֆինանսաբանկային ոլորտի առօրյայում ձեռք բերված փորձը: Այստեղ միանում են տեսությունն ու ժամանակակից բանկային գործի առաջատար փորձը: Ծրագրի շնորհիվ երիտասարդ մասնագետները հնարավորություն կունենան ճանաչել իրական գործարար միջավայրը, պատկերացում կազմել նորագույն տեխնոլոգիաների և հնարավորությունների մասին:

Ամերիաբանկը փնտրում է ակտիվ, մոտիվացված և եռանդուն երիտասարդների` բանկի թիմը համալրելու և Ամերիաբանկի առաջատար մասնագետների մոտ եռամսյա բացառիկ վերապատրաստում անցնելու համար: Ամերիա Սերունդ ծրագիրը հաջողությամբ ավարտած մասնակիցները հնարավորություն կստանան աշխատանքի անցնել Բանկի մասնաճյուղային ցանցում և հեռահար սպասարկման կենտրոն հանդիսացող կոնտակտային կենտրոնում:
Ծրագրին կարող են դիմել մինչև 27 տարեկան երիտասարդներ՝ ինչպես Երևանից, այնպես էլ Հայաստանի ողջ տարածքից, Արցախից և սփյուռքից:

ՄԱՅԻՍ 06, 2019թ.

ՀՈՒՆԻՍ 2, 2019թ.